Dagdag na 285K doses ng COVID-19 vaccine natanggap ng Quezon City
MANILA, Philippines — Natanggap na ng lokal na pamahalan ng Quezon City ang karagdagang 285,000 doses ng bakuna mula sa National Government.
Ito ang masayang ibinalita ni Mayor Joy Belmonte kasunod ng pagtitiyak na mas maraming residente ng lungsod ang mabibigyan ng bakuna.
Dahil dito, magpapatuloy ang pagbabakuna sa pamamagitan ng barangay-assisted booking, online booking, drive thru vaccination, homeowners association vaccination, QCProtekTODO bus, at partnership na mga pribadong kumpanya.
Humingi naman ng pang unawa sa mga taga-lungsod si Belmonte sa mga oras na nahihirapan silang magpalista o mag-book sa eZConsult app para sa schedule ng bakuna dahil sa dumaraming nagpaparehistro online para makakuha ng slot sa pagbabakuna.
Nakapagtala naman ang QC Government ng 26,000 nabakunahan kahapon, pinakamalaking bilang sa kasaysayan ng pagbabakuna sa bansa.
- Latest
