LTFRB nagpaalala sa health protocols sa PUVs
MANILA, Philippines — Hiniling ni Land Transportation Franchising and Regulatory Board (LTFRB) chairman Martin Delgra sa mga commuters na sundin standard health protocols habang sakay ng mga pampublikong sasakyan para makaiwas sa hawaan ng COVID-19.
Sinabi ni Delgra na maliit na bagay lamang naman ang kanilang hinihiling sa mga pasahero para sundin ang protocol na ito at tuloy maingatan ang kanilang kalusugan.
“Paalala lang po na, that has to be the rule sa pagbabayad ng pamasahe, it should be before or ‘di kaya pagkatapos mo sumakay ibibigay mo diretso sa driver ang pamasahe. Gusto nga natin may one seat apart at malayo. Eh doon naman sa pera magkakahawaan, mahirap naman,” pahayag pa ni Delgra.
Sinabi ni Delgra na may 80 percent na ng mga passenger vehicles ang operational at naghahanap pa ang ahensiya ng dagdag na ruta na bubuksan para sa mas maraming pampublikong sasakyan na makakapasada.
Sa ilalim ng GCQ na sinimulang ipatupad kahapon May 15, kaakibat nito ang ‘heightened restrictions’para sundin ang health protocols tulad ng limitadong dami ng sakay sa loob ng sasakyan para mapangalagaan ang publiko sa banta ng COVID- 19.
- Latest