6 na oras na curfew, mananatili sa GCQ
MANILA, Philippines — Mananatili pa rin ang implementasyon ng anim na oras na curfew hours sa Metro Manila sa kabila ng pagbabalik na ng ‘ge-neral community qua-rantine (GCQ)’.
Ipinatutupad ang curfew hours sa 16 na lungsod at isang munisipalidad ng Metro Manila mula alas-10 ng gabi hanggang alas-4 ng madaling araw.
Sa pananatili ng naturang oras ng curfew, sinabi ni Olivarez na ang naturang oras ang pinakatama upang hindi mapahirapan sa pag-uwi ang mga night shift na nagtatrabaho sa call center.
Ito rin umano ang napagkasunduan na nilang mga alkalde noon na ‘uniform curfew hours’ dahil sa magkakadugtong naman ang kanilang mga nasasakupan.
Sa pagbababa ng quarantine status, sinabi ni Olivarez na habang may istriktong pagpapatupad at tamang pagsunod ng publiko ay magiging epektibo ito sa paglaban sa COVID-19 upang hindi na ito lalo pang kumalat.
- Latest