‘One-time big-time’ operation vs ‘pasaway sa protocols, inilatag sa Quezon City
MANILA, Philippines — Umabot sa 3,200 katao ang naaresto sa Quezon City sa isinagawang “One time Big- time” Operation laban sa mga health protocol violators tulad ng hindi pagsusuot ng face mask at face shield, gayundin ng social distancing.
Ang mga nahuling violators ay dinala sa Quezon Memorial Circle at saka gagawin dito ang profilling.
Ang mga nahuli ay naisyuhan ng ordinance violation receipts na may kaukulang penalty na mula P300 sa unang offense hanggang P1,000 sa paulit- ulit na pagsaway sa ordinansa sa health protocols.
Ang mga hindi makabayad ng multa dahil sa hindi pagsunod sa ordinansa ay maaaring makasuhan sa korte at lalabas ang rekord sa naging kaso nito oras na kumuha ng police clearance.
Ang mga indibiduwal naman na kakikitaan ng sintomas ng COVID-19 tulad ng lagnat, ubo at sipon at nahihirapang huminga ay sasailalim sa swab testing.
Niliwanag ni General Elmo San Diego, hepe ng QC Department of Public Order and Safety na ang hakbang ay ginagawa ng lokal na pamahalaan upang mapangalagaan ang kaligtasan ng bawat mamamayan mula sa banta ng COVID- 19.
- Latest
