PNP COVID-19 death toll, umakyat sa 51
MANILA, Philippines — Umakyat na sa 51 police personnel ang pumanaw dahil sa Covid-19 matapos dalawa pang pulis ang nadagdag sa listahan ng mga nasawi habang nasa 125 ang bilang ng mga bagong tinamaan ng virus.
Ito ang inihayag ng Philippine National Police Health Service kaya pumalo na sa 18,531 ang mga pulis na nagka-CoVid.
Isa sa mga nasawi ay isang Police Staff Sergeant ng Mountain Province Police Office at isang Police Executive Master Sergeant sa Sarangani Police Provincial Police Office.
Sa kabila nito, 16,204 na ang lahat ng mga gumaling sa sakit matapos makarekober ang 169 pang tauhan nito.
Kasalukuyan namang nagpapagaling ang 2,276 tauhan ng PNP.
Ang National Capital Region Police Office (NCRPO) pa rin ang may pinakamaraming Covid-19 cases na may 43, sumunod ang Region 4-A na may 13 at ikatlo ang Police Regional Office 1 na mayroong 11 kaso.
Dahil sa mataas pa rin ang kaso ng Covid-19 sa PNP, pinalakas nila ang kanilang testing, sa ngayon nasa 132, 814 o 98.6% police personnel na ang sumailalim na sa RT-PCR tests.
- Latest