Jinggoy: Erap, ‘doing better’ na
MANILA, Philippines — Kinumpirma kahapon ni dating Senador Jinggoy Estrada na ‘doing better’ na ang kanyang amang si dating Pangulong Joseph ‘Erap’ Estrada matapos na maibalik sa intensive care unit (ICU) para sa non-COVID-19 patients dahil sa lung infection.
Sa inilabas na medical bulletin ni Jinggoy nitong Sabado, bagamat kasalukuyan pa ring naka-confine sa ICU ang ama para sa monitoring, ay humuhusay na ang lagay nito sa ngayon.
Aniya, binabawasan na ang medikasyon nito para sa blood pressure support at gumaganda na rin ang kidney function.
Naka-oxygen pa rin aniya ang dating pangulo ngunit patuloy itong alerto at oriented.
Kaugnay nito, muli rin namang humihingi ng patuloy na panalangin sa publiko si Jinggoy, gayundin ang kanyang kapatid na si dating Senador JV Ejercito, para sa ikagagaling ng kanyang ama at ng iba pang dinapuan ng COVID-19.
Kamakalawa nang ibalik si Erap sa ICU para sa non-COVID-19 patient dahil sa lung infection.
- Latest
