Reproduction number ng COVID-19 sa Metro Manila, bumaba - OCTA
MANILA, Philippines — Nagkaroon nang pagbaba ng may 1.16 ang reproduction number ng bagong COVID-19 case sa limang lungsod sa Metro Manila batay sa ulat ng OCTA Research group.
Ayon sa latest monitoring report ng OCTA, ang Pasay, Manila, Marikina, Taguig, at Mandaluyong ay nakapagtala ng negative one-week case growth rates ng may dalawang linggo.
Ang Metro Manila ay nakapagtala ng -0.4% one-week growth rate na may average na 5,085 bagong kaso kada araw sa nagdaang linggo habang ang positivity rate ay bumaba sa 24% mula 25%.
Ang reproduction number sa NCR ay bu-maba sa 1.16 mula April 9 hanggang 15 mula sa 1.19 pero patuloy pa ring makakahawa ng higit sa isang tao ang isang may virus ng Covid-19.
“While the trend has slowed in the NCR, the region will continue to have a high number of new COVID-19 cases for the next weeks, which means demand for hospital care in the NCR will not ease very soon,” ayon sa OCTA.
Ayon sa grupo, nanatili naman ang hospital bed occupancy sa Metro Manila ng 65% habang ang intensive care unit (ICU) utilization ay 85%.
“People must continue to strictly comply with prevailing health guidelines in order to help prevent the spread of the virus in the region,” ayon sa OCTA.
Ayon sa OCTA ang one-week growth rate ng bagong kaso ng COVID- 19 sa Calabarzon at Bulacan ay 14% habang ang one-week growth rate sa Western Visayas ay pumalo sa matas na 97%. Sa Cagayan Valley ang one-week growth rate ay umabot sa -14%.
Ang Metro Manila at karatig lalawigan na Bulacan, Rizal, Cavite at Laguna ay nananatiling nasa ilalim ng modeified enhanced community quaratine hanggang April 30.
- Latest