Seafarers, pinasasama sa priority list ng bakuna

MANILA, Philippines — Inianunsiyo ng Department of Transportation (DOTr) na kasama na rin ang mga Filipino seafa­rers sa ­priority recipients ng CO­VID-19 national vaccination program ng pamahalaan.

Ito’y matapos na aprubahan ng Inter-Agency Task Force on Emerging Infectious Diseases (IATF-EUD) ang rekomendasyon ng DOTr na kilalanin ang mahalagang gampanin ng mga Filipino seafarers ngayong may COVID-19 pandemic.

“They work silently, yet their contribution is as crucial as keeping the eco­nomy thriving. Not only are they frontliners, but they are undoubtedly heroes, too,” dagdag pa niya.

Nabatid na mula sa dating B3 (other essential workers) o B5 (overseas Filipino wor­kers) sa vaccination priority framework, hiniling ng Inter-Agency Working Group ng DOTr, na i-reclassify ang mga Filipino seafarers at ilagay sa A4 (frontline personnel in essential sectors, including uniformed personnel and those working in sectors identified by the IATF as essential du­ring ECQ.)

Samantala, nabatid na ang mga seafarers ay klinasipika naman sa dalawang priority groups.

Ang top priority ay ipagkakaloob sa mga aktibong seafarers o yaong may recor­ded sea service sa nakalipas na tatlong taon, habang ang mga bagong seafarers naman o yaong ang record ay lampas sa 2018 ay papangalawa.

Sinabi ng DOTr na mayroong mahigit sa 730,000 Filipino seafarers na ikinukonsidera para sa A4 category.