Bagong unified curfew sa Metro Manila, 8pm-5am
MANILA, Philippines — Nagkasundo ang Metro mayors na pare-pareho ang bagong oras at haba ng ipatutupad na curfew hours sa National Capital Region (NCR) simula ngayong araw na pagpapairal ng modified enhanced community quarantine (MECQ).
Ayon kay Metropolitan Manila Development Authority (MMDA) Chairman Benhur Abalos na ang unified curfew hours na magsisimula ngayong Abril 12, 2021 ay alas-8 ng gabi hanggang alas-5 ng umaga hanggang sa pagtatapos ng MECQ sa Abril 30.
Sinabi niya na ang mga lokal na ehekutibo, sa ilalim ng mga bagong patakaran na inaprubahan ng Inter-Agency Task Force (IATF), ay may kapangyarihan na baguhin o i-adjust ang curfew hours sa NCR.
Samantala, exempted pa rin sa curfew ang mga kabilang sa authorized persons outside residence (APOR).
Kailangan lang na magpakita ng katibayan tulad ng identification o certificate of employment sa mga otoridad.
- Latest
