2 ‘tulak’ timbog sa buy-bust sa Caloocan
MANILA, Philippines — Arestado ang dalawang ‘tulak’ sa isinagawang buy-bust operation ng pulisya sa Caloocan City, kamakalawa ng gabi.
Dakong alas-11:30 ng gabi nang magsagawa ng buy-bust operation ang mga operatiba ng NPD District Drug Enforcement Unit (DDEU) sa pangunguna ni P/Lt.Col Macario Loteyro at P/Major Jerry Garces sa tabi ng isang convenience store sa 4th Avenue, Brgy. 51 kung saan isang pulis na nagpanggap na buyer ang nagawang makapagtransaksyon ng halagang P2,500 sa mga suspek na sina John Calvin Cruz, alyas “JC” , 25 at Ronald Louis Silverio, 35.
Nang tanggapin ng mga suspek ang marked money mula sa poseur-buyer kapalit ng droga ay agad lumapit ang back- up na mga operatiba saka sinunggaban ang dalawa.
Nakumpiska sa mga suspek ang nasa 3 gramo ng hinihinalang shabu na tinatayang nasa P20,400 ang halaga, P200 drug money at buy-bust money.
Sasampahan ng kasong paglabag sa RA 9165 sa Caloocan City Prosecutors Office sina Cruz at Silverio.
- Latest
