Mga gusali sa Quezon City gagawing isolation facilities ng COVID-19 patients
MANILA, Philippines — Nagsimula nang sumuri ng mga gusali ang Quezon City government na maaaring gawing isolation facilities para sa mga pasyente ng COVID-19.
Ilan sa mga gusali na sinusuri ay mga local government infrastructures, public school buildings at mga dormitories na maaaring gamitin bilang isolation o quarantine facilities para mabawasan ang bilang ng hawahan ng virus at maiwasan ang pagsisikip sa pasyente sa mga emergency rooms at iba pang hospital facilities.
“This is the fastest way to decongest our hospitals while also mitigating further spread in the barangays. Since asymptomatic or those with mild symptoms do not need extensive medical care, they can be admitted in these facilities until their full recovery,” pahayag ni Mayor Joy Belmonte.
Anya ang mga medical workers tulad ng mga nurses at doctors ay itatalaga dito para masubaybayan ang mga pasyente. Patuloy ang pag- evaluate ng City Architect’s Office, Office of the Secretary to the Mayor, City Health Department sa posibleng isolation sites para makumpleto ang target na 1,000 new beds. Ang ibang gusali ay maaari ring magamit na quarters ng mga health care workers.
Ang tatlong gusali sa Quezon City University ay muling bubuksan bilang isolation at quarantine facilities na dating ginamit na HOPE 2 community-quarantine facilities noong first wave of COVID-19 noong nagdaangtaon.
Sa ugnayan sa Philippine Red Cross, Philippine Medical Association at Department of Public Works and Highways, gagawin ng Quezon City government ang Kamia Residence Hall sa UP Diliman Campus para sa 282-bed facility para sa COVID-19 patients habang ang Building D ng San Francisco High School sa Bago Bantay, Barangay Sto. Cristo ay gagawin din isolation area na may 4 beds sa 24 classrooms.
Nakipagkasundo rin ang QC government sa Ateneo de Manila University at Philippine Red Cross para sa dagdag na quarantine facilities sa Ateneo’s Junior High School complex. Mga QC government-referred patients lamang ang tatanggapin dito.
- Latest