Pamamahagi ng ayuda sa Quezon City, sinimulan na

MANILA, Philippines — Sinimulan na kahapon ng Quezon City  go­vernment ang pamamahagi  ng  ayuda sa 30 sites na kapapalooban ng  40 barangays sa lungsod.

Ang makakatanggap ng ayuda ay yaong mga nakatalang manggagawa at low-income families  mula sa listahan ng  DSWD Social Amelioration Program (SAP), DSWD SAP waitlisted, 4Ps list at sa city’s own QC SAP list.

May kabuuang  2.4 milyong katao mula sa mahigit  800,000 pamilya ang makakatanggap ng  P1,000 bawat isa o may  maximum amount na P4,000 per family.

Naglaan ang pamahalaan ng P2,481,942,000 para sa  QCitizen beneficiaries.

Para maiwasan ang bugso ng tao at maipatutupad ang minimum health protocols, ang  financial aid  ay ipagkakaloob sa 2,000 residents lamang sa  kada  distribution center .

Ang mga beneficiaries ay dapat magdala ng valid ID, 2 xerox ng bawat ID na  pipirmahan ng tatlong beses para sa  verification at auditing purposes. Kung may representative, dapat itong magdala ng valid ID  na may  2 xerox na may pirma ng tatlong beses  at authorization letter at  beneficiary’s valid ID  na may 2 xerox.

Naitalaga ng QC government na tumulong sa pamamahagi ng ayuda ang mga elemento ng Quezon City Police District (QCPD), Department of Public Order and Safety (DPOS) at  barangay units para sa maayos na pamamahagi ng  financial aid.