MRT-3, LRT-2 may free ride sa kababaihan
MANILA, Philippines — Magkakaloob ng free ride ang pamunuan ng Metro Rail Transit Line 3 (MRT-3) para sa mga kababaihan ngayong Lunes, Marso 8.
Ayon kay MRT-3 director for operations, Engr. Michael Capati, nakagawian na nilang gawin ang inisyatibang ito kada taon bilang pakikiisa sa pagdiriwang ng International Women’s Day at pagbibigay pugay sa mga kababaihan.
Maaaring i-avail ang libreng sakay mula 7:00 ng umaga hanggang 9:00 ng umaga at mula 5:00 ng hapon hanggang 7:00 ng gabi ngayong araw.
Una na ring inianunsiyo ng Light Rail Transit Authority (LRTA) na magbibigay ng libreng sakay para sa mga kababaihan ang LRT-2 ngayong araw sa kaparehas na oras.
Ang MRT-3 ay bumabagtas sa kahabaan ng EDSA mula North Avenue, Quezon City hanggang Taft Avenue sa Pasay City at vice versa.
Ang LRT-2 naman ay bumibiyahe mula Claro M. Recto Avenue, Maynila hanggang Santolan, Pasig City at pabalik.
- Latest
