Sinehan, arcade sa Valenzuela bukas na ngayon
MANILA, Philippines — Nagpasya na si Valenzuela City Mayor Rex Gatchalian na buksan na ngayon ang anim na sinehan at ilang arcade sa lungsod matapos itong payagan ng IATF.
Sa kabila nito, agad namang nilinaw ni Gatchalian na mayroon pa ring susunding mga patakarang ilalabas ang city government kaugnay sa banta ng COVID-19 virus.
Ayon kay Gatchalian, ipatutupad pa rin ang mahigpit na regulasyon sa loob ng mga sinehan at arcade upang maiwasan ang pagkalat ng virus sa lungsod.
Sa ngayon, nasa 25 porsyento kapasidad pa lamang ng sinehan ang papayagan sa mga lugar na nasa ilalim ng general community quarantine habang nasa 50 porsiyento naman sa mga lugar na nasa ilalim ng modified general community quarantine.
Papayagan naman ang 50 porsyentong kapasidad sa mga lugar sa GCQ sa library, museum, cultural center, meeting at convention, limited tourist attractions and video game arcades, at 75 porsyento naman sa MGCQ.
Ang social events ay puwedeng payagan ang 30 porsyentong kapasidad sa GCQ at 50 porsyento naman MGCQ. (
- Latest