84% ng BFP at BJMP officers gustong magpabakuna
MANILA, Philippines — Majority ng mga opisyales ng Bureau of Jail Management and Penology (BJMP) at Bureau of Fire Protection (BFP) ay handang magpabakuna laban sa COVID-19.
Ito ang inihayag ng Department of Interior and Local Government kasunod ng nalalapit na pag-arangkada ng mass vaccination program ng gobyerno kontra sa nararanasang pandemya.
Ayon kay DILG Undersecretary at Spokesperson Jonathan Malaya, apat na porsiyento lamang sa buong hanay ng BFP at BJMP officers ang ayaw mabakunahan habang 84% naman ang nais nang magpabakuna at 12 porsiyento lamang ang hindi pa sigurado sa ngayon.
Isinagawa ang survey sa pamamagitan ng exit poll matapos ang vaccination town hall meeting na ipinatawag ng DILG.
Sabi ni Malaya, inaasahan na magiging aktibong kabahagi ang BFP at BJMP sa kampanya para mabakunahan ang 75-milyong adult Filipinos sa ating bansa.
- Latest
