Nobya at ina ng unang UK COVID-19 variant patient, negatibo na rin sa virus
MANILA, Philippines — Nag-negatibo na rin sa UK COVID variant ang girlfriend at nanay ng unang Pinoy na nagtaglay ng nasabing variant na nanggaling ng Dubai.
Ayon kay Dr. Rolly Cruz, head ng Quezon City Epidemiology and Surveillance Unit, patuloy na imomonitor ng mga doktor ang kanilang kalagayan at tatapusin na lamang ang kanilang quarantine sa isolation acility bago payagang makauwi sa kanilang bahay.
Kahapon ng umaga, negatibo rin ang resulta ng pinakahuling PCR test ng lalaki na unang nakitaan ng UK variant.
Ginawa ang swab test noong Huwebes at nitong nagdaang Biyernes kung saan nga lumabas negatibo na siya sa COVID.
Sinabi ni Dr. Cruz, daraan pa rin ito sa final medical assessment ng mga doktor sa quarantine facility kung saan siya nanunuluyan, bago siya payagang muling makasama ang kanyang pamilya at makabalik sa kanilang komunidad. (
- Latest