4 na kidnaper patay: Dinukot na Chinese nasagip

MANILA, Philippines — Apat na kidnaper ang napaslang sa naganap na shootout sa pagitan ng mga ito at mga pulis Quezon City habang sinasagip ang biktimang Chinese sa Brgy.  Holy Spirit sa Quezon City kahapon.

Ayon sa ulat, nai-ligtas naman ang biktimang Chinese na kinilalang isang Zhi Fu.

Magkasama sa operasyon ang QCPD Special Operations Unit, Holy Spirit Police Station 14 at ang PNP Anti-Kidnapping Group nang pasukin ang hinihinalang hide-out ng mga suspek sa kahabaan ng San Simon St. sa Brgy. Holy Spirit alas-3:45 kahapon ng madaling araw.

Nakumpiska sa  mga napaslang na  suspek ang isang M-16 rifle, isang caliber 45 pistol, isang caliber 9mm pistol, isang caliber 38 revolver, isang hand grenade, isang motorsiklo, isang To-yota Vios, isang cellular phone at hindi madeterminang halaga ng shabu.

Patuloy ang pagbusisi ng mga pulis hinggil dito.