2 kapwa pasahero ng Pinoy UK variant patient, hanap
Tulong ng NBI hiningi ng DOH
MANILA, Philippines — Hiningi ng Department of Health ang tulong ng National Bureau of Investigation (NBI) para mahanap ang da-lawa pang pasahero na nakasabay sa biyaheng Dubai-Manila ng Pinoy na unang kaso ng UK COVID-19 variant sa bansa.
Sinabi ni Health Undersecretary Maria Rosario Vergeire na humingi na sila ng tulong kahapon sa NBI sa pamamagitan ng Department of Justice (DOJ) para matunton ang dalawang pasahero.
“We will be providing these 2 names to the NBI through the Department of Justice today para lang mahanap natin,” ani Vergeire.
Naniniwala si Vergeire na matutunton ng NBI ang dalawang pa-sahero sa pamamagitan ng database.
Ang dalawa na lang mula sa 159 pasahero ang hindi pa natutunton na dumating sa bansa noong Enero 7, 2021 mula sa United Arab Emirates.
Hindi aniya makontak ang dalawa sa ibinigay nilang contact details dahil ang isa ay gumamit ng telephone number sa abroad habang ang isa ay nakapaglagay ng maling numero.
Hindi rin matunton ang tirahan nila dahil walang house number o street na nakasulat sa kanilang contact form.
Kritikal ang pagha-hanap sa dalawa upang mapigilan ang pagkalat pa ng mas nakakaha-wang strain ng COVID-19.
- Latest