Taguig nanatiling may pinakamababang bilang ng COVID-19 cases
MANILA, Philippines — Ipinagmalaki ng pamahalaang lungsod ng Taguig ang kanilang mabilis at mabisang aksyon kaya nagawa nilang harapin ang pinakamalaking krisis sa henerasyon, ang COVID-19.
Matapos na magdeklara ng Pangulong Rodrigo Roa Duterte ng State of Public Health Emergency noong Marso, agad tumalima ang pamahalaang lokal ng Taguig at isinailalim sa lockdown ang lungsod -- isang agresibo at mabisang hakbang upang mahinto ang pagkalat ng COVID-19.
Kaagad na sinimulan ng lungsod ang mga inihandang programa na nakalatag na sa isang komprehensibong plano: pamamahagi ng stay-at-home packs, Libreng Sakay para sa mga health workers, Libreng Hatid at Sundo para sa mga may sakit, Telemedicine, quarantine facilities, testing, at pamamahagi ng ayuda sa iba’t ibang sektor ng komunidad.
Sa pamumuno ni Mayor Lino S. Cayetano, walang patid ang paglaban ng lungsod sa pandemya upang gawing ligtas ang siyudad at itaguyod ang buhay at kabuhayan ng bawat Taguigueño. Sa pagtatapos ng 2020, naging matagumpay ang lokal na pamahalaan ng Taguig sa pagpapatupad ng mga programa nito laban sa COVID-19 at pagbibigay ng pag-asa sa mga mamamayan ng Taguig.
Nagsagawa rin ang lungsod ng libreng PCR testing na umabot na sa 95,000.
Nagpagawa rin sila ng sariling Molecular Lab.
Dahil sa mga ito, nanatili ang Taguig na may pinakamababang aktibong kaso ng COVID.
- Latest