2 ‘tulak’, huli sa P1.3 milyong shabu
MANILA, Philippines — Mahigit sa P1.3 milyong shabu ang nasamsam sa dalawang drug suspect na kabilang sa high value individual (HVI) sa isinagawang buy-bust operation ng mga tauhan ng Pasay City Police, kamakalawa ng gabi.
Nakatakdang isailalim sa inquest proceedings sa Pasay City Prosecutor’s Office ang mga susupek na sina Stephanie Jade Garcia, alyas Steph, 22 at Reiner Allan Borja, 25, sa rekla-mong paglabag sa setions 11 at 5 ng Republic Act 9165 o Comprehensive Dangerous Drug Act of 2002.
Sa ulat, dakong alas-10:30 ng gabi ng Biyernes nang ikasa ang buy-bust operation laban sa suspek na si Reiner.
Nakabili ng halagang P12,000 ng shabu ang poseur-buyer gamit ang boodle money at isang genuine P500 bill sa tapat ng bahay ni Reiner at doon ay kasama niya si Steph.
Sa puntong nagkapalitan na ng pera at droga ay dinakip na ang dalawa at nakumpiska sa kanila ang dalawang plastic ice bag na naglalaman ng 205.42 gramo ng shabu na may street value na P1,396,856.00, timbangan, at buy-bust money.
- Latest