Lending collector pisak sa truck

MANILA, Philippines — Patay ang isang collector matapos magulungan ng truck habang sakay ng kanyang motorsiklo sa Brgy. Balong Bato, Novaliches, Quezon City, kama­kalawa ng gabi.

Ang biktima ay nakila-lang si Genaro Bernardino, 31, collector sa isang len-ding company na residente ng Quezon City.

Sa imbestigasyon ni P/Staff Sgt. Romeo Birog Jr., ng QC Traffic Sector 6, ang insidente ay naganap sa flyover ng Quirino Highway, Novaliches, sa lungsod.

Sinasabing na “off ba-lance” ang biktima kaya natumba ang sinasakyan niyang motorsiklo kaya nagulungan ito ng truck na siyang dahilan at agaran niyang kamatayan.

Nabatid na ang truck ay magdadala ng buhangin sa Novaliches proper nang bigla na lang may tumawag ng kanyang pansin tungkol sa naganap na pagkasagasa na hindi pala nito alam.

Pagbaba niya ng truck ay doon lang niya nalaman na may nabangga pala siya.