Marikina, isinailalim sa state of calamity
Dahil sa matinding pinsala ni ‘Ulysses’
MANILA, Philippines — Isinailalim ni Marikina Mayor Marcy Teodoro sa state of calamity ang lungsod na matinding naapektuhan ng bagyong Ulysses.
Ayon kay Teodoro, ito ay upang bigyang pagkakataon ang mga residente na makabangon mula sa epektong dinulot ng bagsik ng bagyo sa kanilang pa-milya at kabuhayan.
Anya, sa pamamagitan ng pagsasailalim sa kanilang lunsod sa state of calamity ay magagamit ang kanilang calamity funds para maa-yudahan ang mga apektadong residente sa lugar.
Hindi lamang anya sa baha, epekto ng COVID-19 pandemic ang naapektuhan ang mga taga-Marikina kundi maging ang mga mag-aaral dahil suspendido pa rin dito ang distance learning classes hangang sa darating na Martes.
Sinabi ni Teodoro na upang matiyak na maayos ang kalusugan ng mga taga-Marikina ay may mga doktor na ang nasa mga barangay para suriin ang health conditions ng mga mamamayan doon.
- Latest
