816 pang traditional jeep balik-pasada sa Metro Mania
MANILA, Philippines — May 16 pang dagdag na ruta ang binuksan ng Land Transportation Franchising and Regulatory Board (LTFRB) para makabalik pasada ang may 816 pang traditional jeep sa Metro Manila.
Sa kalalabas lamang na memorandum circular 2020-071, simula ngayong Miyerkules ay papasada na rin ang 816 na unit ng jeep mula sa QC, Pasig City, Mandaluyong, Makati, Pasay, Muntinlupa, Pateros, Manila, Parañaque maging sa The Fort sa Taguig City.
Pero bukod sa mahigpit na pagpapatupad ng seven commandments gaya ng pagsusuot ng face masks at iba pa, ipinaalala ng LTFRB sa mga jeepney driver na hindi dapat magtaas ng pamasahe dahil walang direktibang inilalabas para dito ang ahensya.
Sa ngayon ay mayroon ng public transport sa halos lahat ng lugar sa Metro Manila na pansamantalang natigil dahil sa COVID-19 pandemic.
- Latest