PNP bukas sa imbestigasyon ng Mega Task Force
MANILA, Philippines — Bukas si PNP chief General Camilo Cascolan sa imbestigasyon ng Mega Task Force na pinamumunuan ni Justice Secretary Menardo Guevarra laban sa mga opisyal at tauhan ng pamahalaan na sangkot sa corruption.
Ayon kay Cascolan, malaking tulong sa kanila ang gagawing aksyon ng Mega Task Force dahil magreresulta rin ito sa tuluyang paglilinis sa hanay ng mga pulis. Handa silang ibigay ang anumang kakailanganin ng task force.
Paliwanag ni Cascolan, hindi biro ang problemang nais na bigyang solusyon ni Pangulong Rodrigo Duterte na dapat lamang aniyang suportahan ng lahat ng sangay ng pamahalaan upang matapos na ang katiwalian sa bansa.
Sinabi ni Cascolan na ito rin ang kanyang paalala sa mga kadete ng Philippine National Police Aca-demy na iwasang masilaw sa pera.
Aniya, mas dapat na ituon ng mga kadete ang kanilang sarili sa paglilingkod at pagbibigay protek-siyon sa publiko.
Kamakalawa ay binanggit ni Guevarra na maging ang PNP at Armed Forces of the Philippines ay hindi ligtas sa kanilang gaga-wing imbestigasyon sakaling may reklamo silang matanggap na sangkot sa katiwalian ang opisyal nito.
Uunahin naman ng Mega Task Force na im-bestigahan ang PhilHealth, Department of Public Works and Highways, Bureau of Customs, Bureau of Internal Revenue at Land Regulatory Authority batay na rin sa alegasyon ng korapsiyon.
- Latest