Motorsiklo vs trak: 1 patay, 1 sugatan
MANILA, Philippines — Patay ang anak na babae habang sugatan ang ama na nagmaneho ng motorsiklo nang masagi ng kasabayang trailer truck sa panulukan ng Mel Lopez Boulevard at Matimtiman Sts. sa Tondo, Maynila, kahapon ng hapon.
Dead-on-the-spot ang biktimang kinilalang si Ann Regilyn Salandanan, 30, habang sugatan naman ang kaniyang ama na si Nilo Paypon, 53, residente ng San Igancio St., Tondo.
Sa ulat ng Manila Police District-Public Information Office, dakong alas-5:42 ng hapon kamakalawa nang maganap ang insidente sa northward lane ng Mel Lopez, sa panulukan ng Matimtiman St.
Inaalam pa ang plaka ng tumakas na trailer truck para matukoy ang pagkilanlan ng driver na responsable sa pangyayari.
Sa inisyal na ulat, ang Yamaha NMAX na minamaneho ni Paypon at ang trailer truck ay kapwa bumabagtas sa northbound lane ng Mel Lopez Blvd. nang pagsapit sa panulukan ng Matimtiman ay nasagi ang kanang tagiliran ng motorsiklo dahilan para ito gumewang.
Kapwa nahulog sa motorsiklo ang mag-ama kung saan matinding pinsala sa ulo ang tinamo ni Ann Rigelyn na naging sanhi ng kanyang kamatayan habang sugatan naman ang kanyang tatay. at nahulog sa kalsada ang rider at putok ang ulo ng angkas na sumabog ang dugo sa pinagbagsakan.
- Latest