6 sa 13 pumuga sa Caloocan, balik-kalaboso
MANILA, Philippines — Anim sa 13 preso na pumuga sa Caloocan Detention Facility kamakalawa ang nadakip sa isinagawang follow up operation ng Caloocan City Police District.
Balik-kulungan sina Arnel Buccat, 19; Reymark Delos Reyes, 27; Mark Oliver Gamutia, 21; Aldwin Jhoe Espila, 25, at Reynaldo Bantiling, 35; at Justine Tejeros, 22.
Ayon kay Caloocan police chief P/Col. Dario Menor, patuloy pa rin ang manhunt operation ng pulisya laban sa pito pang preso na kasama nilang pumuga.
Nabatid sa pamunu-an ng Caloocan City Police, ang natakasang custodial facility ay inilaan para sa mga bilanggo na mayroon nang commitment order ng Korte para ilipat sa Caloocan City Jail (CCJ) ngunit dahil sa ang mga preso ay may sintomas ng COVID-19 ay isinailalim sila sa quarantine sa nasabing pasilidad.
Binutas ng mga preso ang pader ng kulungan.
Kaugnay nito, sasampahan ng kasong kriminal at administratibo ang dalawang sinibak na bantay nang makapuslit ang mga bilanggo.
- Latest
