Prusisyon tigil muna sa Maynila
MANILA, Philippines — Pinakiusapan ni Manila City Mayor Isko Moreno ang mga Manilenyo na huwag munang magsagawa ng anumang uri ng prusisyon sa siyudad habang umiiral pa rin ang pandemya.
Ito ay makaraang magdesisyon si Moreno na huwag na munang magsagawa ng prusisyon maging sa darating na kapistahan ng Poon na Itim na Nazareno sa Enero 9 sa 2021.
Una nang nakipagpulong ang alkalde sa mga opisyal ng Simbahang Katoliko na sumang-ayon naman umano na huwag munang magdaos ng prusisyon ngunit wala pa ring pinal na desisyon ukol sa mga aktibidad para sa tradisyunal na Traslacion.
Muli namang magpupulong ang lokal na pamahalaan at ang pamunuan ng Simbahan ng Quiapo para pagplanuhan 2021 Traslacion kabilang ang paggamit ng teknolohiya sa online.
- Latest