3 sa ‘rent-sangla’ modus, arestado
MANILA, Philippines — Nadakip ng mga tauhan ng Manila Police District (MPD) ang tatlong hinihinalang karnaper na sangkot sa modus na ‘rent-sangla’ sa isang operasyon kamakalawa ng hapon sa Ermita, Maynila.
Kinilala ni P/Major Rosalino Ibay Jr. Hepe ng SMaRT-Anti Carna-ping Unit, ang tatlong nadakip na sina Rosario Capulong; Ronaldo Capulong, 54; at si Necita Torres, 48, pawang mga nakatira sa Teachers Village, Quezon City.
Sa ulat ng pulisya, nadakip ang tatlo sa ikinasang operasyon dakong alas-3 kama-kalawa sa loob ng YMCA Building sa may A. Villegas Street, Ermita, sa Maynila.
Nabatid na naga-wang makipagtransaksyon ng asset ng pulisya sa mga suspek ukol sa pagbili ng isang sasak-yan na may pekeng mga dokumento. Dito ikinasa ang entrapment operation na nagresulta sa pagkakadakip sa tatlo makaraang magkaabutan ng boodle money.
Narekober sa operasyon ang isang silver Toyota Innova 2019, mga pekeng Official Receipt at Certificate of Registration (OR/CR) para sa naturang sasakyan; isang pulang Toyota Wigo 2017 at dalawang identification cards.
Ayon kay Ibay, nirentahan o kaya ay isinasanla lamang sa mga suspek ang mga natu-rang behikulo na pinipeke nila ang mga dokumento bago ilegal na ibinibenta. Nagbabala si Ibay sa mga bibili ng mga ganitong sasakyan na mananagot din sila sa oras na mapatunayan na karnap ang kanilang biniling behikulo sa ila-lim ng Anti-Fencing Law.
Nakaditine na ang mga suspek sa MPD-SMaRT custodial jail at nahaharap sa kasong Carnapping at sa Article 316 ng Revised Penal Code (Other forms of swindling) sa Manila City Prosecutor’s Office.
- Latest