P83 milyong halaga ng mga armas, itinurn-over ni Mayor Joy sa QCPD
MANILA, Philippines — Umaabot sa P83 milyong halaga ng mga bagong armas at kagamitan ang personal na itinurn-over ni Quezon City Mayor Joy Belmonte sa QC Police District sa isang simpleng seremonya sa Camp Karingal, kahapon.
Kasama sa mga ipinamigay ng lokal na pamahalaan sa QCPD ang Robotic vehicle, sniffer rifles at sub-machine gun para sa Swat at Mobile force battalion kasama na ang isang remote-operated vehicle na magagamit sa anti-terrorism operation.
Kasama ring tinanggap ng QCPD ang walong Sniper Rifles na may night vision, goggles, kevlar helmet, range finder, telescopes gayundin ang 96 na unit ng taurus 9mm sub machine Gun para sa Swat at District Mobile Force battalion.
“Mabuti rin po at good timing sa pagbubukas natin ng bagong stations 13 at 14 ay dumating itong mga bagong kagamitan na hopefully ay makakatulong sa inyong operasyon para sa pagsugpo ng terorismo at kriminalidad sa lungsod. You’ve earned this moment so please accept these as we honor your relentless service. Kayo ay nagsisilbing magandang halimbawa sa amin, ” pahayag ni Mayor Belmonte.
Lubos naman ang pasasalamat ng pamunuan ng QCPD sa pangunguna ni QC Police director Ronnie Montejo sa mga bagong armas na ipinagkaloob sa kanila ng lokal na pamahalaan.
Anya, hindi lamang ito magpapalakas ng kanilang kapabilidad kundi nagpapataas din sa morale ng kanilang mga tauhan.
“Undoubtedly, these millions of pesos worth of equipment will improve our operational and anti-criminality programs. Let us continue to serve and protect them and let them be proud of their police,” pahayag ni Montejo.
- Latest