Kelot sumampa sa trak nalaglag, pisak
MANILA, Philippines — Agad na nasawi ang isang lalaki na sumampa sa isang trailer trak pero sumablay at nalaglag dahilan para magulungan siya, kamakalawa ng gabi sa Ermita, Maynila.
Nakilala lamang ang nasawi sa pangalang Felix, 50-60 taong gulang, may taas na limang talampakan hanggang 5’4, at nakasuot ng itim na kamiseta at pantalon.
Sa ulat ng Manila Police District-Traffic Enforcement Unit, naganap ang insidente dakong alas-11:30 ng gabi sa kanto ng Finance Road at P. Burgos Street sa Ermita.
Ayon sa saks inakitang niyang sumampa ang biktima sa isang trailer truck na minamaneho ni Dante Naval Bergonia habang nakahinto ang behikulo sa naturang lugar. Nang biglang umandar, dito nalaglag ang biktima dahilan para masagasaan siya ng likurang gulong ng trak dahilan ng kaniyang agad na pagkasawi.
Sa kabila nito, inilagay muna sa kustodiya ng pulisya si Bergonia na nakatakdang sampahan ng kasong homicide through reckless imprudence sa Manila City Prosecutor’s Office.
- Latest
