Higit P23 milyong ecstasy nasamsam
MANILA, Philippines — Nasamsam ng mga tauhan ng Bureao of Customs (BOC) sa NAIA ang may 13,824 tablet ng ecstasy na tinatayang nagkakahalaga ng mahigit sa P23 milyon.
Sinabi ni NAIA District Customs Collector Mimel Talusan, ang mga nakumpiskang ipinagbabawal na gamot ay nakita sa iba’t ibang mga parcels na may iba’t -ibang consignees.
Idinagdag pa nito, ang mga droga ay nagmula sa Netherlands at Belgium at ito aniya ay ‘misdeclared’ bilang mga ibat-ibang uri coffee beans , energy saving LED light at mga laruan para sa mga bata.Ang kahina-hinalang bigat ng mga pakete, at ang kamakailang natuklasan na modus operandi ng pagpuslit ng ilegal na droga sa pamamagitan ng mga coffee beans mula sa ibang mga bansa noong Hulyo 2020, ang nag-udyok sa BoC-NAIA na isailalim ang mga parcels sa mahigpit na mga document profilings, x-ray scan at inspeksyon.
Sinabi ni Talusan, sa pisikal na pagsusuri ng BoC-NAIA Customs Examiners, ang mga tablet na iba’t ibang kulay ng ‘party drugs’ o Ecstasy ay nakatago sa mga laruan at iba’t ibang mga wrappers ng kape.
Nasamsam ang mga epektos sa Central Mail Exchange Center sa Pasay City.
Ang BOC NAIA Frontliners, Customs Examiners, CIIS, CAIDTF, ESS at XIP Operatives ay patuloy na nakikipag-ugnay sa PDEA at NAIA-IATG upang lalo pang mapalakas ang pagbabantay sa pag-iingat sa mga terminal ng pasahero at mga bodega.
- Latest