Pagrereport ng probable, positive COVID-19 cases, giit ng Quezon City government
MANILA, Philippines — Hinikayat ng Quezon City government ang mga residente at empleyado sa lungsod na ireport agad ang nalalaman na mga probable at confirmed cases ng COVID-19 sa lokal na pamahalaan.
Sa pinalabas na memorandum ni QC Mayor Joy Belmonte, ang agarang pagrereport ng mga nabanggit ay makakatulong ng malaki sa QC Epidemiology and Surveillance Unit (CESU) at sa Barangay Health Emergency Response Team (BHERT) para agad makagawa ng aksyon at maiwasan ang pagkalat ng virus .
“This shall further enable the CESU to respond in a timely manner to accomplish contact tracing of confirmed cases, every day and every hour is important, so self-reporting helps the Philippines end the COVID-19 pandemic faster,” sabi ni Belmonte.
Anya ang maagang pag-uulat tungkol sa infected ng virus ay makakatiyak na maiiwas agad ang pamilya, mga kaibigan at katrabaho na mahawa sa virus.
Sinabi ni Belmonte na ang mga positive at probable COVID-19 patients ay bibigyang ng libreng quarantine accommodations sa pamamagitan ng kanilang HOPE community quarantine facilities at aalagaan ng mga skilled health care workers.
Ayon kay CESU head Dr. Rolly Cruz, may mga insidente na nalalaman lamang nila na ang isang indibiduwal ay positive sa COVID- 19 makaraan ang ilang araw na pagpapalabas ng test result .
Maaaring isagawa ang self reporting sa e-mail ([email protected]) CESU’s Facebook accounts(www.facebook.com/QCEpidemiologyDiseaseSurveillance), (facebook.com/qc.esu.official, facebook.com/qc.esu.official1, facebook.com/qc.esu.official2, at facebook.com/qc.esu.official3) at sa hotline numbers (landline: 8703-2759, 8703-4398; Globe: 0916-122-8628, Smart: 0908-639-8086, Sun: 0931-095-7737).
Maaari rin anya itong ireport sa respective hotlines ng inyong barangay. Ang anumang iuulat ay confidential at gagamitin lamang para sa contact tracing.
- Latest
