Sickness Benefit Reimbursement Applications sa SSS, digital na
MANILA, Philippines — Digital na ngayon ang pagtanggap ng Social Security System (SSS) ng Social Security (SS) Sickness Benefit Reimbursement Applications (SBRAs) ng mga employers sa pamamagitan ng kanilang website.
Ang online facility para sa SBRAs na makikita sa My.SSS web portal sa www.sss.gov.ph, ay pinapayagan ang mga employers na makapag-file ng kanilang sickness benefit reimbursement claims para mas kumbiniyente at hindi na tutungo pa sa mga tanggapan ng SSS para dito.
Ayon kay SSS President and CEO Aurora C. Ignacio na ang pagkakaroon ng online facility ay bahagi ng ongoing digital transformation ng SSS sa panahon ng pandemic.
“Aside from expediting the processing time of sickness benefit reimbursements by eliminating the transmission of claims from SSS Branches to Processing Centers, this online facility will also reduce face-to-face interactions in our branches,” pahayag ni Ignacio.
Para magamit ang online facility, ang mga employers ay kailangang magrehistro muna sa My.SSS account. Kailangan sila ay naka-enrol sa SSS Sickness at Maternity Benefit Payment sa ilalim ng Thru-the-Bank Program at dapat may registered bank account sa My.SSS portal.
Kailangan din ang mga itong may SSS-approved sickness notification mula sa kanilang empleyado na entitled para sa sickness benefit. Kailangang mayroon silang sertipikasyon na ang sickness benefit ng empleyado ay nabayaran ng advance.
Sa dagdag na impormasyon, ang mga miyembro at employers ay maaaring tingnan at sundan ang SSS’ Facebook page at YouTube channel sa “Philippine Social Security System,” o sa Twitter feed sa “PHLSSS.
- Latest