21 sugarol inaresto sa lamayan
MANILA, Philippines — Nasa 21 indibidwal kabilang ang tatlong menor-de-edad ang dinakip sa lamayan matapos mahuling nagsusugal, kahapon ng madaling araw Caloocan City.
Nagsanib puwersa ang mga tauhan ng Caloocan Police Sub-Station 15 at mga opisyal ng barangay nang tunguhin ang lamayan sa Lanka St., Pangarap Village, Brgy. 181, kasunod ng isang tip mula sa concerned citizen na ang mga dumalo sa lamay ay nakuha pang magsugal.
Ilang indibidwal ang nagawang makatakbo sa magkakaibang direksyon nang isagawa ang raid ng pulisya dakong ala-1 ng madaling araw habang nadakma ang 21 sa kanila na karamihan ay mga residente ng Pangarap Village sa Brgy.181, kabilang ang tatlong 17-anyos na menor-de-edad.
Lumabag din ang mga naaresto sa ipinatutupad na social distancing sa ilalim nang pinaiiral na community quarantine.
- Latest