‘Maskwedding’, inilunsad sa Makati
MANILA, Philippines — Maaaring magkasal si Makati Mayor Abby Binay sa programang, ‘#Maskwedding’, sa Makati City Hall mula Hulyo 6, 2020 hanggang Disyembre 2020.
Sa abiso sa official website sa Facebook sa Proud Makatizens, bago ang “I Do” dapat ay sundin ang mga ipinatutupad na hakbang.
Una, dapat ay kumpletuhin ang requirements sa pagpapakasal na ibibigay ng City Civil Registration Office (CCRO).
Kung makumpleto na ang nasabing proseso, i-eendorso ng CCRO ang mga dokumento sa Office of the Mayor (OM) at hihingian ng tatlong petsa na pagpipilian para sa itatakdang araw ng kasal.
Maghihintay lamang ng tawag mula sa kawani ng OM.
Mahalaga ding dapat sundin at obserbahan ang mga ipinatutupad na health protocols tulad ng pagsusuot ng face masks at social distancing.
Para sa iba pang katanungan, maaaring tumawag sa OM sa numerong 8870-1102 o sa CCRO 8870-1305.
- Latest