Aktres na si Aiko Melendez, nagpapasaklolo sa PNP

Anak hinaharas ng isang netizen

MANILA, Philippines — Personal na nagtungo kahapon sa tanggapan ng PNP-Anti-Cybercrime Group ang aktres na si Aiko Melendez at anak na si Andre Yllana  upang ireklamo ang pagba­banta at panghaharas ng isang netizen.

Ang reklamo ni Melendez ay bunsod ng pananakot ng isang netizen  sa kanyang anak na si Andre, 21, na umano’y may sex video.

Sinabi ni Melendez na bagama’t walang sex ­video ang  kanyang anak, ang pagbabanta sa kanyang anak ay nagdulot dito ng anxiety.

“We now have a lead of who this crazy pervert, who caused my son Andre Yllana an­xiety!” ani Melendez .

Nagbanta naman si Melendez na mananagot ang nasabing netizen. Aniya may lead na sila kung sino ito.