21 ‘pasaway’ dinakip sa 2nd time lockdown
MANILA, Philippines — Balewala lang sa 21 residenteng “pasaway” ang pagsasailalim ng kanilang lugar sa ika-2 beses na calibrated lockdown kaya mahaharap sila sa parusang community service o paglilinis sa buong Brgy. San Dionisio sa Parañaque City.
Ang 21 pasaway ay pawang nakatira sa dalawang sitio ng Brgy. San Dionisio na mu-ling inilagay sa 89-hour calibrated lockdown ng Parañaque City government dahil sa pagka-karoon ng family at community transmission ng coronavirus disease 2019 (COVID-19).
Sinabi ni Parañaque PNP chief, P/Colonel Robin King Sarmiento na dinala sa designated facilities ang 21 inaresto sa paglabag sa calibrated lockdown para sa booking procedures, kung saan sila ay itatalaga sa 24-oras na community service.
Gayunman, hindi rin sila ligtas sa kasong paglabag sa Republic Act 11332 (non-cooperation during a health crisis, disobedience to persons in authority as well as local ordinances on curfew and the mandatory wea-ring of face masks).
Una nang ibinabala ni Parañaque Mayor Edwin Olivarez na ang 2nd time lockdown offenders ay ilalagay sa holding areas at pagmumultahin ng P2,000, habang sa 3rd calibrated lockdown offense naman ay makukulong na sa loob ng 12 oras at multang P3,000. at makakasuhan pa ng mga paglabag.
- Latest