762 pamilya sa Parañaque unang nakatanggap ng tulong sa Bayanihan fund
MANILA, Philippines — Pinangunahan ni Chief Implementor National Action Plan Againts Covid-19 Secretary Carlito Galvez kasama si Parañaque City Mayor Edwin Olivarez ang isinagawang kauna-unahang pagbibigay ng Special Amelioration Program (SAP) Bayanihan fund na tulong laban sa COVID-19 kamakalawa ng hapon sa Brgy. Vitalez sa Parañaque City.
Sinabi ng Kalihim, ito na ang ipinangako ni Pangulong Rodrigo Duterte ang pagbibigay ng tulong sa mga pamilyang lubhang naapektuhan ng Enhanced Community Quarantine (ECQ) sa Brgy. Vitalez, District 1 ng lungsod ang kauna-unahang nabigyan ng P8,000 bawat pamilya.
Nauna nang inihayag ng Pangulo na walang maiiwan sa labang ito at handa ang gobyerno na tumulong sa bawat mamamayan lalo na ang vulnerable sector na labis na naapektuhan ng enhanced community quarantine bilang bahagi ng paglaban sa COVID-19.
Bandang alas-5:00 ng hapon nang ihinto ang pagbibigay sa 762 pamilya ng nasabing halaga pero tiniyak nang Kalihim na itutuloy ng Parañaque City Government ang pagbibigay ng P8,000 tulong sa mga residente ng Bgy. Vitalez sa Parañaque City.
- Latest
