2 pulis -Marikina, nang-rape ng preso arestado
MANILA, Philippines — Dalawang pulis na nakatalaga sa Marikina City ang inaresto ng kanilang mga kabaro matapos na ireklamo ng dalawang preso na kanila umanong ginahasa sa loob ng police headquarters sa Marikina City.
Iniharap sa media kahapon ni NCRPO chief Maj. Gen. Debold Sinas ang dalawang suspek na sina Pat. Arnold Moscosa Geroy, at Pat. Sonny Baccay Maruzzo.
Ang dalawang suspek ay dinakip ng kanilang kapwa pulis dahil sa reklamo ng dalawang bebot na preso na umano’y kanilang ginahasa.
“Ang dalawang pulis ng Marikina were charged for rape” sabi ni Gen.Sinas.
Ayon sa report, unang dinakip ng dalawang pulis ang dalawang babae noong March 29 dahil sa kasong may kinalaman sa droga at dinala sa Marikina police station at ikinulong.
Makalipas ang ilang oras ay inilipat sa custodial facility ang dalawang babae at doon umano sila ginahasa.
Sinasabing umamin na rin kay Gen. Sinas ang dalawang pulis na ni-rape nila ang dalawang detainees.
- Latest