9 COVID patients sa Quezon City gumaling
QUEZON CITY , Philippines — Gumaling na mula sa kanilang karamdaman ang 9 na pasyente sa Quezon City na unang nagpositibo sa coronavirus disease 2019 o Covid-19.
Hindi na rin kinakitaan ng dagdag na Covid-19 cases ang District 2 at District 5 sa nakalipas na 24 oras dahil sa ipinatutupad na Enhanced Community Quarantine sa Quezon City.
Bumaba na rin ang bilang ng nadagdag na Covid-19 cases sa lunsod na mula 15 additional cases nitong Biyernes ay pito na lamang kahapon ang dagdag na kaso o umabot sa 104 Covid cases mayroon sa lunsod.
Ang pitong dagdag na Covid 19 cases ay mula sa District 1- barangay Bungad 1, District 3 sa barangay E Rodriguez-1 at baragay San Roque-1, District 4-Barangay Teachers Village East-1 at Barangay Teachers Village West-1 at sa District 6 ay sa barangays New Era-1 at Pasong Tamo-1.
Nadagdagan naman na tatlo ang namatay sa Covid 19 sa Quezon City kaya umabot na sa 17 ang namamatay sa sakit sa lunsod.
May kabuuang 119 barangays ang na-disinfect ng lokal na pamahalaan at may 730,000 food packs na ang naipamigay sa mga residente ng lunsod.
- Latest