Brgy. Chairmen sa Maynila, binalaan sa re-packing ng mga food box
Danilo Garcia (Pilipino Star Ngayon) - March 27, 2020 - 12:00am

MANILA, Philippines — Binalaan ni Manila Mayor Isko Moreno ang mga Barangay Chairman na mananagot sa kaniya kung mapapatunayan na sangkot sila sa pagre-repack ng mga food boxes na ibinibigay ng Pamahalaang Lungsod sa mga pamilya.

Sa kaniyang Facebook Live, sinabi ni Moreno na may napansin silang listahan ng barangay na 25 ang nakapangalan ngunit galing sa iisang pamilya.

“Nananawagan ako sa mga chairman, ayusin niyo po. Sa bawat pagnanais, pag-aasam at pagiging makasarili, at nililista niyo isang pangalan, 25 na pangalan (pero mula sa) iisang pamilya---sa bawat box na makukuha niyo, may mga pamilya naman ang mawawalan,” dagdan ng alkalde.

Kapag napatunayang may mali ang isang opisyal ng barangay, kaniyang kakasuhan ang mga ito sa korte at irereklamo sa Commission on Audit lalo na kung pera ng taumbayan ang ipinagkait.

Sinabi pa niya na kailangang pairalin ng mga opisyal sa pamahalaan ang malasakit sa kapwa at huwag mang-iiwan ng mga pamilya.

“Sa pangkalahatan, suriin niyo maigi iyong binibigay niyong listahan ng pamilya. Ang bilin ko, wag niyo isipin kung botante, bawat pamilya, ibilang natin. Iyon ang polisiya,” giit ni Moreno.

Dapat umanong maging pantay-pantay ang lahat, mahirap o middle class man dahil lahat ay nagugutom at kailangang kumain.

BARANGAY CHAIRMAN FOOD BOX
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with