Bikoy nagpiyansa na sa Quezon City court
MANILA, Philippines — Nakapaglagak na ng piyansa sa Quezon City Metropolitan Trial Court si Peter Joemel Advincula, alyas Bikoy kaugnay sa kinakaharap na kasong sediton.
Si Bikoy ay umano’y nakipagsabwatan sa isa pang personalidad para umano’y mag-alsa laban sa pamahalaan at umano’y nagpasabog ng “Ang Totoong Narcolist” videos na nag-uugnay sa Pangulong Rodrigo Duterte at pamilya nito sa illegal drug trade.
Sampung libong piso ang piyansang nailagak sa korte ni Advincula kasama ang abogado nitong si Atty. Larry Gadon para sa kanyang kalayaan.
Si Advincula ay kapwa akusado sa sedition case kasama si dating Senador Antonio Trillanes at iba pang personalidad na inisyuhan ng warrant of arrest ng QC court. Hindi pa nakakapag- piyansa si Trillanes sa QC court hanggang kahapon.
Pinag aaralan naman ng State prosecutors kung gagawing state witness sa kaso si Advincula.
- Latest
