Isko ‘di natinag sa coronavirus, pinangunahan ang pagdiriwang ng Chinese New Year sa Binondo
MANILA, Philippines — Hindi nagpa-apekto sa kinatatakutang 2019 novel corona virus (nCoV) ang publiko dahil sa kabila ng posibleng may makahalubilong may taglay nito sa kilalang Chinese community sa Binondo ay dinagsa pa rin ang pagdiriwang ng Chinese New Year kahapon.
Naging makulay at masaya ang okasyon lalo na nang dumugin at magpa-selfie ang mga tao nang makitang nakisali sa grand parade na nagmula sa Central Post Office patawid ng Jones Bridge hanggang sa Binondo sina Manila Mayor Isko Moreno at Vice Mayor Honey Lacuna.
Habang nasa parade ay nagpaagaw din ng Angpao na may lamang pera at pulang t-shirt sina Moreno, Lacuna hanggang sa pagsapit sa Ongpin St., Binondo .
Namigay din ng tulong si Moreno sa mga indigent families na nakatira Binondo, partikular sa San Nicolas area na nasa 3,000 pamilya ang nakatira.
Ikinatuwa ni Moreno na sa gitna ng pangamba sa bagong coronavirus na napaulat na nagsimula sa Wuhan, China, hindi nito natabunan ang diwa ng selebrasyon.
Tiniyak niya rin na patuloy ang pamahalaang lungsod sa pagbibigay ng precautionary measures para hindi maapektuhan ang mga mamamayan dahil alam niyang ang Binondo, na nasa lungsod ang pinakamalaking Chinatown na dinadayo.
- Latest