Natitira pang ‘ninja cops’ tukoy na ng DILG
MANILA, Philippines – Tukoy na ng Department of Interior and Local Government (DILG) ang mga natitira pang ‘ninja cops’ sa hanay ng Philippine National Police (PNP)
Ayon kay DILG Sec. Eduardo Año, kasalukuyan na nilang minomonitor ang kilos at galaw ng mga ‘ninja cops’ at kumuhuha ng sapat na ebidensiya para sampahan ng kaukulang demanda.
Ani Año, may hawak na siyang listahan ng mga ‘ninja cops’ na bina-validate ngayon ng kanyang tanggapan.
Tiniyak ng Kalihim na patatalsikin nila sa tungkulin, kakasuhan at ipapakulong ang sinumang mapatunayang ‘ninja cops’ sa hanay ng pambansang pulisya.
Ang mga pahayag ni Sec. Año ay bilang tugon sa lumabas sa huling survey ng Social Weather Stations (SWS) na majority sa mga Filipino o 78 porsyento ang nagsasabing naniniwala sila na marami pang ‘ninja cops’ na hanggang sa ngayon ay namamayagpag pa.
“Malinaw pa kasi sa isipan ng publiko dahil sa nakaraang imbestigasyon sa Senado kaya ‘yan ang naging resulta sa SWS survey” ani Año.
- Latest
