Pasok sa eskwela, government offices sa Maynila, suspendido sa Enero 9
MANILA, Philippines — Suspendido o walang pasok sa mga paaralan, unibersidad at kolehiyo at maging sa city offices sa Huwebes (Enero 9) sa Maynila.
Ito ang idineklara kahapon ni Manila Mayor Isko Moreno na naglalayon umano na bigyan ng pagkakataon ang mga deboto ng Itim na Nazareno na makiisa sa pagdiriwang nito.
Ayon kay Moreno, iniiwas din nila ang mga commuter sa kawalan ng masasakyan kung saan ipinatutupad ang rerouting.
Payo ni Moreno sa motorista, laging tignan ang update advisory maging ang mga rerouting upang hindi maabala sa daloy ng trapiko.
Gayunman, hindi naman sakop sa kautusan ang mga sangay ng pamahalaang lungsod na nagpapatupad ng peace and order, public services, traffic enforcement, disaster risk reduction and management gayundin ang sanitation.
Ipapaubaya naman ni Moreno sa mga pamunuan o office heads ang pagsuspinde sa mga pasok o opisina ng mga pribadong kompanya at national government offices.
- Latest