Importasyon ng vape products haharangin ng BOC

MANILA, Philippines — Harangin ang lahat ng importasyon ng vape products.

Ito ang kautusan ng Bureau of Customs (BOC) sa kanilang enforcement team sa mga pantalan  kasunod ng ban order ni President Rodrigo Duterte.

Ayon kay Customs Assistant Commissioner Jet Maronilla, nakipag-ugnayan na ang BOC sa Food and Drug Administration (FDA) para sa pagpapatupad ng naturang ban.

“Hence, all importation of vape products and its related items shall immediately be subject to seizure by the Bureau of Customs,” dagdag pa nito.

Sinabi Maronilla na dodoblehin din nila ang kanilang monitoring sa lahat ng ports of entry ng vape products upang hindi na maipakalat sa merkado.

Maaalalang kamakailan ay ipina-ban na ng Pangulo ang paggamit ng vape sa pampublikong lugar maging ang importasyon nito.