Salesman, nanaginip ng numero sa lotto, instant milyonaryo!
MANILA, Philippines — Instant milyonaryo ang isang salesman makaraang solong mapanalunan ang P22 milyong jackpot prize sa Mega Lotto 6/45 na binola noong Biyernes, Nobyembre 15, dahil sa mga numerong napanaginipan lamang niya.
Nagtungo kahapon ng umaga sa tanggapan ng Philippine Charity Sweepstakes Office sa Mandaluyong City ang 50-anyos na lotto winner upang kubrahin ang kanyang napanalunang salapi.
Hindi na ibinunyag ang pangalan at address ng lotto winner para sa kanyang proteksiyon.
Gayunman, ikinuwento niya na matapos niyang mapanaginipan ang masuwerteng combination number na 19-07-09-06-22-16, ay kaagad niya itong tinayaan sa Makati City.
Plano umano niyang gamitin ang napanalunang salapi para mabigyan ng magandang buhay ang kanyang pamilya.
- Latest
