P4.4 milyong halaga ng asukal nasabat ng BOC
MANILA, Philippines – Nasabat ng Bureau of Customs sa Port of Manila ang walong container ng smuggled na asukal na nagkakahalaga ng P4.4-M.
Ang kargamento na dumating sa South Harbor noong Agosto 30 ay galing sa China at naka-consign sa RZTREC Trading.
Idineklara itong steel coils ngunit nang inspeksiyunin ng Customs Examiner noong November 13 ay natuklasan na Korach Conditioned Refined Sugar.
Bunsod nito ay agad na nagpalabas ng Warrant of Seizure and Detention (WSD) upang hindi na mailabas ng pier ang kontrabando dahil sa paglabag sa batas.
Ang consignee ay kakasuhan ng paglabag sa Section 1400 o “Misdeclaration, Misclassification and Undervaluation in Goods Declaration,” in relation to Section 1113 “Property Subject to Seizure and Forfeiture,” and Section 117 “Regulated Importation and Exportation” of the Customs Modernization and Tariff Act (CMTA).
- Latest
