Traffic enforcer sinagasaan ng hinuhuling truck driver, patay

MANILA,Philippines — Patay ang isang traffic enforcer makaraang sadya siyang sagasaan ng truck driver na kanyang hinuhuli kahapon ng umaga sa Caloocan City.

Nakilala ang nasawi na si Jesus Paulite, 61, na nagtamo ng matinding pinsala sa ulo matapos siyang sagasaan ni Rommel Cabillos, driver ng ten-wheeler truck sa may Samson Road sa nabanggit na lungsod.

Kasong murder ang isasampa laban kay Cabillos, ayon kay Caloocan deputy police chief for administration Lt. Col. Ferdinand Del Rosario.

Nabatid na hinihingi ng biktima ang driver’s license ni Cabillos dahil sa traffic violations pero imbes na ibigay ay sinagasaan nito ng truck ang biktima.