2 POGO office, pinadlock ng BIR
MANILA, Philippines – Ipinadlock ng Bureau of Internal Revenue (BIR) ang mga tanggapan ng Philippine Offshore Gaming Operator (POGO) dahil sa hindi pagrerehistro at hindi pagpa-file ng value-added tax (VAT) returns sa ahensiya.
Ayon sa Task Force POGO ng BIR at ng Dept. of Finance, isa sa ipinasara ang head office ng Altech Innovations Business Outsourcing sa Aseana City, Parañaque at branch nito sa Double Dragon Building sa Pasay City.
Ayon kay BIR Deputy Commissioner for Operations Group Arnel Guballa, may P100 milyon ang utang sa buwis ng Altech Innovations.
Anya ang naturang kompanya ay lumabag sa Section 108 at Section 236 ng National Internal Revenue Code of 1997 dahil sa hindi pagrerehistro at hindi pagbabayad ng VAT returns sa ahensiya.
Ang Altech Innovations ay pagmamay-ari ng isang Jan Erick Lavariaz Altavas at mayroong 700 hanggang 1,000 empleyado na karamihan ay Chinese.
- Latest